ပရီးမီးယားလိဂ်ရဲ့လုပ်ခအများဆုံးရရှိတဲ့ကစားသမားများစာရင်းထွက်ပေါ်လာပါတယ်။မန်စီးတီးကွင်းလယ်ကစားသမားကီဗင်ဒီဘရိုင်းကပရီးမီးယားလိဂ်ရဲ့လုပ်ခအများဆုံးရရှိတဲ့ကစားသမားအဖြစ်ရပ်တည်နေပါတယ်။ အသက်၃၁နှစ်ရှိမန်စီးတီးစတားဟာတစ်ပတ်လုပ်ခပေါင်၄၂၅၀၀၀ဖြင့်ပရီးမီးယားလိဂ်ရဲ့လုပ်ခအများဆုံးရကစားသမားအဖြစ်ရပ်တည်နေပါတယ်။ ကီဗင်ဒီဘရိုင်းပြီးလျှင်ပရီးမီးယားလိဂ်ရဲ့ဒုတိယလုပ်ခအများဆုံးရကစားသမားအဖြစ် မန်စီးတီးကစားဖော်အာလင်းဟာလန်းကတစ်ပတ်လုပ်ခပေါင်၄၀၀၀၀၀ဖြင့်ရပ်တည်နေပါတယ်။ အာလင်းဟာလန်းဟာနွေရာသီတွင်မန်စီးတီးသို့ရောက်လာပြီးနောက်ပြိုင်ပွဲအရပ်ရပ်တွင်၃၇ပွဲကစားထားရာမှာ၄၂ဂိုးသွင်းယူထားရာသူ့အတွက်ပေးရတဲ့တန်ကြေးထက်ထိုက်တန်တဲ့ခြေစွမ်းပြနပေးနေတယ်လို့ပြောနိုင်ပါတယ်။ ပရီးမီးယားလိဂ်ရဲ့တတိယလုပ်အများဆုံးကစားသမားအဖြစ်ယူနိုက်တက်ဂိုးသမားဒေးဗစ်ဒီဂီယာကတစ်ပတ်လုပ်ခပေါင်၄၀၂၂၅၀ဖြင့်ရပ်တည်နေပါတယ်။ဒီဂီယာဟာယူနိုက်တက်ရဲ့လုပ်ခအများဆုံးရကစားသမားဖြစ်ပြီးလက်ရှိစာချုပ်မှာယခုရာသီအကုန်တွင်ကုန်ဆုံးပါမယ်။ ပရီးမီးယားလိဂ်ရဲ့စတုတ္ထလုပ်ခအများဆုံးရကစားသမားအဖြစ်မိုဟာမက်ဆာလက်ကတစ်ပတ်လုပ်ခပေါင်၃၇၃၇၅၀ဖြင့်ရပ်တည်နေပါတယ်။မိုဟာမက်ဆာလက်ဟာနွေရာသီတုန်းကချုပ်ဆိုခဲ့တဲ့စာချုပ်သစ်ကြောင့်လုပ်ခများစွာတိုးမြှင့်ရရှိလာတာလည်းဖြစ်ပါတယ်။ ပရီးမီးယားလိဂ်ရဲ့ပဥ္စမလုပ်ခအများဆုံးကစားသမားအဖြစ်ယူနိုက်တက်စတားဂျာဒွန်ဆန်ချိုကတစ်ပတ်ပေါင်၃၇၃၇၅၀ဖြင့်ရပ်တည်နေပါတယ်။ ဆန်ချိုဟာယခုရာသီတွင်ခြေစွမ်းမမှန်မှု၊စိတ်ကျဝေဒနာတို့ခံစားနေရသူဖြစ်ပြီးအောက်တိုဘာလနှောင်းပိုင်းတွင်ယူနိုက်တက်အတွက်ပရီးမီးယားလိဂ်ပွဲ၂ပွဲတည်းသာပွဲထွက်ကစားခွင့်ရထားပါတယ်။
